આપણી લોકશાહી પધ્ધતિમાં આપણે પંચાયતી રાજની વ્યવસ્થા સ્વીકારેલ છે. પંચાયતના કર્મચારી / અધિકારી પંચાયતી રાજ વ્યવસ્થાના અભિન્ન અને મહત્વના અંગ છે. ગુજરાત પંચાયત સેવા પસંદગી મંડળ પંચાયતના વર્ગ-૩ના કર્મચારીઓની સીધી ભરતી માટેની સ્પર્ધાત્મક પરીક્ષાનું આયોજન કરે છે. આ માટે ઘણા બધા લોકોનું તે આશાનું કેન્દ્ર છે. માટે, ભરતી પ્રક્રિયામાં વિશ્વસનીયતા, પ્રામાણિકતા, ગોપનીયતા અને પારદર્શિતા એ સ્વાભાવિક રીતે જ અપેક્ષિત છે. પંચાયતની નોકરી એ રોજગારી કે અર્થોપાર્જન માટેનું ફકત સાધન ન બની રહેતા સામાજિક ન્યાય અને સમાજ સેવા માટેનું માધ્યમ બનાવીએ.
મને જણાવતાં આનંદ થાય છે કે, ગુજરાત પંચાયત સેવા પસંદગી મંડળ પણ આ જ દ્રષ્ટિથી અને સમજથી કાર્ય કરી રહેલ છે અને સુશાસનમાં પોતાનું મહત્વનું યોગદાન આપવાનો પ્રામાણિક પ્રયત્ન કરી રહેલ છે.
!!! જય જય ગરવી ગુજરાત !!!
અધ્યક્ષશ્રી
ગુજરાત પંચાયત સેવા પસંદગી મંડળ